> Vila de Cruces|Xullo 2024

As Festas da Piedade de Vila de Cruces serán este ano do 9 ao 12 de agosto, catro días de celebración que darán comezo o venres 9 de agosto coa tradicional cea das peñas na Praza do Concello. Ás doce da noite, o chupinazo dará paso ao comezo das festas patronais coa actuación esa noite do Dúo Eclipse. O completo programa das Festas da Piedade 2024 inclúe tamén a celebración do XVII Rali de Carretillas, haberá pasarrúas e animación de música e baile durante todos os días de celebración.

As misas solemnes na honra da patroa cruceña serán o sábado ás 13:00 horas e o domingo ás 12:00 h. Ademais, as Festas da Piedade traerán este ano a Vila de Cruces a actuación tributo a La Guardia, polo 40 aniversario do grupo mítico do pop español. Tamén actuará en Vila de Cruces, La Ocaband e o Grupo Origen, ademais das bandas musicais e grupos de música tradicional que completan o cartel festivo. A Banda Artística de Merza e Unión Musical Ponteledesma non faltarán este ano á súa cita coas festas da Piedade.

> Silleda|Xuño 2024

O Concello de Silleda ultima os preparativos para comezar o vindeiro mes de xullo coas súas Festas do Verán, un dos reclamos de animación, música e gastronomía que cada ano reúnen máis visitantes en Trasdeza. Este ano as Festas do Verán serán do 5 ao 7 de xullo, unha cita gastronómica e musical que comezará o venres 5 coa XXIV Festa do Lacón, organizada cada ano pola Asociación Amigos do Lacón e que agarda repetir o éxito de público do ano pasado, en que reuniu a máis de 1.400 persoas.

Para acompañar á gastronomía do evento, a verbena pola noite correrá a cargo da orquestra Olympus. Ao día seguinte, sábado 6, chegará o turno da París de Noia. Xa o domingo haberá misa e sesión vermú coas actuación das bandas de Silleda e a Recreativa da Bandeira. A Festa da Rapazada será outra das citas do verán en Silleda e xa no mes de agosto, do 16 ao 20 chegará a XLVIII Festa da Empanada da Bandeira.

A primeira cita será o 30 de xuño na Saleta de Siador, coa celebración da XXXIV Romaría da Rapazada. Este ano a organización incluiu na programación actividades sustentables relacionadas con asuntos cruciais coma a igualdade, a solidariedade ou o coidado do medio ambiente. Obradoiros, actividades, xogos tradicionais música e danza animarán esta nova edición.