> Silleda |Marzo 2021

Silleda liquida a conta de 2020 cun superhábit de 1,3 millóns de euros

O Concello liquidará o préstamo do Plan de Pago a Proveedores, co que abandona o Plan de Axuste imposto no 2012

> Redacción

A Corporación Municipal de Silleda celebrou a finais do pasado mes de marzo o pleno ordinario cunha extensa orde do día, con máis de 20 puntos. Celebrada desta volta de xeito presencial salvaguardando os protocolos de seguridades impostos pola crise sanitaria. Ademais das bases reguladoras para a concesión de subvencións a asociacións e clubs deportivos, as que regularán as axudas do programa de apoio á creación de emprego, ou a rebaixa da taxa da escola de Música ao 50% cando as clases teñan que ser telemáticas, tamén se abordaron no pleno distintas cuestións económicas. Así, na sesión procedeuse á liquidación das contas municipais de 2020, cun resultado moi satisfactorio na liña dos últimos anos, segundo destacaron dende o goberno local. Así, a liquidación arroxa un superávit na contabilidade de 1.361.127,09 euros, mentres o remanente de tesoureiría, (magnitude que mide a solvencia económica da entidade tendo en conta distintos baremos), alcanza a cantidade de 1.646.496,03 euros. Cúmprese así mesmo, como reflexa o informe de Intervención, co principio de estabilidade orzamentaria e ca regra de gasto. O resultado orzamentario (direfenza entre ingresos e gastos do exercicio) sitúase en 947.599,47 euros, segundo explicaron no pleno.

 

Plan de Axuste de 2012

“Estes bos resultados económicos que vimos colleitando nos últimos exercicios, deixando atrás as épocas dos saldos negativos, permitirán que abandonemos este ano o Plan de Axuste ao que se viu avocado o Concello dende o ano 2012”, asegurou o alcalde e responsable municipal de Facenda, Manuel Cuiña.

Así, dos dous préstamos solicitados entón do Plan de Pago a Proveedores só resta un por pagar, que se liquidará este ano ca cantidade consignada no orzamento máis outros 210.000 euros con cargo aos remanentes, operación que se aprobou no pleno de marzo.

No ámbito económico tamén se debateu unha modificación de crédito por valor de 73.904,80 euros para abonar facturas pendentes do ano pasado (Sogama e outras de electricidade), e unha subención de 10.000 euros ao CPR María Inmaculada, de xeito excepcional, polos efectos económicos derivados da crise da Covid 19.

Aproban unha nova ordenanza para protexer os camiños municipais

O Concello esixirá aos madeiristas un aval e o máximo respecto ao viario público durante as talas

> Redacción

O pleno do Concello de Silleda celebrado a finais do pasado mes de marzo tamén tratou entre outros asuntos a colaboración e delegación no ORAL da instrucción de multas, ou as bases para a provisión do posto de traballo de Intervención. Ademáis os membros da corporación abordaron a aprobación inicial dunha nova ordenanza para a de protección e consevación dos camiños e vías públicas municipais en relación coas operacións de saca de madeira.

O goberno municipal levaba tempo traballando nesta nova normativa,que estivo exposta nas últimas semanas do pasado mes de marzo, para regular as condicións nas que se realizan os traballos forestais, que en moitas ocasións afectan ao viario municipal. A ordenanza na que traballa o goberno local para a súa aprobación definitiva e entrada en vigor, velará pola conservación dos camiños, e establece que para os traballos de obtención de madeira de tala, as empresas madeireiras deberán de realizar unha comunicación previa ao Concello de Silleda, presentando unha serie de documentación.

 

Aval aos madeiristas

Será obrigatorio, antes da comunicación previa, depositar un aval (que variará en función das toneladas de madeira a retirar), así como sinalizar os viais, limpar retirar ou eliminar residuos dos traballos, e deixar o viario público nas mesmas condicións que antes da execución das talas.

A ordenanza establece tamén unha serie de sancións segundos as posibles infraccións que se cometan. Segundo explicou o alcalde, Manuel Cuíña, “o principal obxectivo é evitar que se produzan danos, como xa ten pasado, e que as empresas madeireiras respondan antes posibles desperfectos”.

“Son de Silleda” apoia aos artistas locais

Esta iniciativa nace da man do Concello e Xónix Records

> Redacción

A firma silledense Xonix Records S.L. coa colaboración do Concello de Silleda, pon en marcha o proxecto “Son de Silleda”, unha iniciativa para apoiar a axudar a todxs os músicxs do municipio que teñan traballos de interese, e que por mor do esceario actual ca COVID 19 de fondo, non teñan a financiación necesaria para levalos a cabo.

Son de Silleda nace vendo a merma do sector no tecido cultural, logo de que a pandemia dera ao traste moitos concertos e actuacións de artistas e grupos e cunha “nova normalidade” que segue cuestionando ao sector, coa reducción de aforos ou o peche de salas de concertos, segundo explican dende a firma e o Consistorio.

Xonix Records, cun estudo de gravación profesional sito en Bazar, na parroquia de Abades, encargarase da producción, gravación, mestura e mástering de cada traballo seleccionado, ademais de asinar un contrato editorial do seu selo discográfico cos proxectos escollidos e distribuir o traballo en máis de 100 plataformas dixitais. Para participar, aqueles músicos, cantantes, bandas ou grupos (de calquera estilo musical) que estén interesados, deben de cubrir unha ficha de solicitude, que se poñerá a disposición na web do selo, e remitila ao mail managementxonix@gmail.com. Logo haberá un proceso de valoración e selección dos proxectos recibidos entre personal do estudo e da Concellería de Cultura, que colabora co proxecto.

 

Requisitos

Xunto coa solicitude debe remitirse tamén unha gravación de son ou vídeo a modo de mostra do traballo que se quere levar a cabo e unha pequena biografía. O contido do disco terá un mínimo de 8 temas e un máximo de 10. O prazo para participar é ata o 15 de abril.

“Con esta proposta queremos axudar aos músicos/as de Silleda que estén interesados e que agora pasan tempos difíciles para sacar adiante traballos cun acabado profesional a baixo custe”, segundo explicou Lolo Arincón e Paco Montoto, de Xonix Records, que presentaron a iniciativa xunto á concelleira de Cultura, Mónica González, no estudo de gravación do selo silledense.

Dende o Concello de Silleda, Mónica González, destacou a iniciativa desta entidade silledense, e apuntou que Son de Silleda “é unha forma máis de seguir apoiando dende o Concello o talento e ao sector cultural silledense, neste caso no ámbito musical”.

Fondevila: “Coa pandemia non hai eventos artísticos, pero tampouco limitacións nin escusas para non traballar no estudo”

O artista silledense aproveitou este tempo para facer 2 esculturas, unha ducia de cadros e uns 30 debuxos

> Redacción

A crise sanitaria global provocada pola Covid 19 dende fai xa máis dun ano afectounos e aféctanos a todos, de xeito transversal toda a sociedade leva sufrindo as súas consecuencias. A arte non é menos e os artistas tamén están entre os perxudicados pola falla de exposición e actos públicos culturais nos que amosar e deleitar ao público coas súas obras. Esa é a situación xeral, pero hai casos coma o do artista silledense José Antonio Fondevila, en que a pandemia tamén serviu de pulo a novas creacións.

En todo este ano que levamos de pandemia non se organizan exposición físicas nin se convocan certames; os convocados aprázanse sen data ou suspéndense “e dinme de conta que non quedaba outra que resignarse e plantexarse o futuro desde a situación do momento. Non podemos organizar nin asistir a eventos artísticos, non se pode viaxar; pero non hai limitacións para traballar no estudo, nin tampouco escusas para non facelo”.

Logo do shock inicial que todos sufrimos fai pouco máis dun ano, Fondevila explica que “comecei a traballar duro e continuado durante uns meses hasta que fun perdendo fuelle e moderando o ritmo, pero en conxunto, penso que aproveitei o tempo. Fixen dúas esculturas, unha decena de cadros e uns 30 debuxos”. Ademáis sigue a traballar na serie escultórica “ideas cúbicas” e está comezando unha nova de pintura e un proxecto de catalogación da obra feita.

 

Proxectos

Obrigado polos protocolos impostos tamén no mundo da arte pola pandemia, Fondevila asegura que “durante este tempo participei en exposicións virtuais organizadas por galerías de Italia, España e Estados Unidos”, e agora “a primeira exposición presencial na que vou participar despois dun ano, vai ser no Certame VI Salón de Arte Abstracto organizado pola Asociación Española de Pintores e Escultores (AEPE) que se celebra en Madrid, para o que me seleccionaron dous cadros”.

O artista silledense explica que de cara ao futuro “quero seguir facendo cousas pero sen obsesionarme por producir; facer só o que me apeteza”. Durante estes últimos anos Fondevila participou con ilustracións e portadas nunha ducia de publicacións, e tamén noutra que sairá á luz proximamente.

Contacto

Director Xerente: Manuel Núñez Fiuza

Deseño e maquetación: Bearisa
Colaboradores: Iago Mouriño, Bartolo Landiño, Tomás Troitiño,
David Devesa, Luis Lince, Pedro Carrio, Manuel Estévez e González Bearisa.

Administración-Publicidade: Rúa Arenal 1 Entrechán - Lalín.
Tlf.: 986 780 615986 780 615 • Fax: 986 780 615 • Móvil: 625 120 810625 120 810
e-mail: manuelfiuza@gmail.com

 

www.lalinecomarca.es