> Rodeiro |Marzo 2021

Rodeiro estrea alcalde e equipo de goberno

Rubén Quintá asegura continuidade na labor de goberno “colocando aos veciños no centro de todo”

> Redacción

O nomeamento de Luís López coma delegado da Xunta en Pontevedra provocou cambios no Concello de Rodeiro. O pasado 6 de marzo o pleno municipal elexiu ao seu novo alcalde, Rubén Quintá Quintá. O novo rexedor asegurou que “imos seguir na liña realizada ata agora, que foi a respaldada maioritariamente polos veciños nas eleccións de hai dous anos. Creo que fixemos un bo traballo e imos continuar por ese camiño, colocando aos veciños de Rodeiro no centro de todo”.

Ademáis a composición do novo goberno local complétase con Pablo Sobrado Vázquez coma primeiro tenente de alcalde e concelleiro-delegado de educación, turismo, comunicación, patrimonio e comercio, Ana Belén Calvo Mariño é a concelleira- delegada de cultura, infancia, igualdade, medio ambiente e voluntariado, José Manuel Camba Mejuto é concelleiro-delegado de deportes, xuventude e montes José Manuel Fernández Otero coma concelleiro-delegado de medio rural e servizos básicos e María Dolores Simón Valladares, concelleira-delegada de economía, servicios sociais e urbanismo. Segundo explicou o alcalde “traballaremos cos veciños e para os veciños, tentando mellorar as infraestruturas e o servizos, incrementar o benestar e a calidade de vida, manter o mesmo trato cercano e de atención próxima e apoiar ao límite das nosas forzas ao sector agrogandeiro principalmente, que é a chave da nosa economía, e tamén aos demais ámbitos industrial, comercial e de xeración de emprego”.

 

Cambios noutras instancias

A marcha de López provocou ademáis cambios noutras instancias tanto en Rodeiro coma noutros organismos da comarca. No Consello escolar do Centro Público Integrado (CPI) de Rodeiro ao concelleiro-delegado de educación Pablo Sobrado Vázquez. Ademáis na Mancomunidade Terras de Deza serán novos membros do pleno o propio alcalde, como membro nato en representación do PP e o concelleiro Pablo Sobrado Vázquez, en representación do PP. Completa a presenza de Rodeiro na Mancomunidade o concelleiro José Antonio González Dacal, en representación do PSdG-PSOE. Rubén Quintá tamén é o representante na Xunta de Goberno da Mancomunidade. Tamén no caso do ADR Terras de Pontevedra-Norte, o alcalde de Rodeiro pasa a ocupar a súa presidencia, que viña exercendo o anterior rexedor.

Contacto

Director Xerente: Manuel Núñez Fiuza

Deseño e maquetación: Bearisa
Colaboradores: Iago Mouriño, Bartolo Landiño, Tomás Troitiño,
David Devesa, Luis Lince, Pedro Carrio, Manuel Estévez e González Bearisa.

Administración-Publicidade: Rúa Arenal 1 Entrechán - Lalín.
Tlf.: 986 780 615986 780 615 • Fax: 986 780 615 • Móvil: 625 120 810625 120 810
e-mail: manuelfiuza@gmail.com

 

www.lalinecomarca.es