ENTREVISTAS

Entrevista a Xavier Lemos

Fillo do imborrable pintor Anxel Lemos, con quen comezou a pintar de neno no outro lado do mar, o pintor Xavier Lemos inspírase agora na bisbarra do Deza, onde morou e ficou para sempre o que foi seu mestre. En Ventosa e Carboeiro, segue as pegadas do Mestre Mateo.

P.- ¿Onde naciches?
R.- En Vigo, na rúa Felipe Sanchez número 142, 2º, ó 3 de decembro de 1944, nesa altura meu pai preso na cadea, no edificio da Rúa do Principe, o mesmo que hoxe alberga o Museo de Arte Contemporáneo (MARCO).
Cando se viu libre, intentou en varias ocasións cruzar o Atlántico. No terceiro intento conseguiuno. Aos seis 6 anos de idade, crucei o mar Atlántico coa miña nai e os meus irmáns, Armando, Alberto, Ruben e Miguel para reencontrarse co pai en América, onde se instalara na zona Oeste do Grande Bos Aires.

 

P.-¿Como transcorreron aqueles anos?
R.- Asistín ao colexio e máis tarde co meu tío Xosé Lemos, poeta e rotulista, aprendín o oficio e comecei a traballar con Silvano, fabricando televisións ata instalarme despois por miña conta, levando aos irmáns conmigo.

 

P.- ¿Teu pai?
R.- Pintaba porcelana en Bos Aires, mais tarde eu fixen o mesmo. dediqueime a construción de casas prefabricadas en pino de Brasil durante uns anos alternando coa música en diferentes bandas de rock, The Horgoblins, Los Estéreos, Los Estereofónicos e Iracundos ata que lle chegou a hora de regresar de novo a Galiza.

 

P.- ¿Ao retornar que pasou despois de pasar 17 años en América?
R.- Impliqueime na movida musical, toquei a guitarra nas bandas Os Nocturnos, Os Potes, Os Temples. Mesmo toquei na inauguración do Parador Nacional de Turismo de Baiona, entre outras festas e cumpridas coas obligacións militares a finais dos anos sesenta na Compañía Especial de Operaciones  (COE 81) en O Cumial, Ourense e unha vez licenciado, encontrei traballo en calidade de debuxante e rotulista na Cristalería La Belga.

 

P.-  E agora Ventosa ¿Por qué?
R.-
Descoñecía este lugar no interior de Galicia, aínda que na bisbarra do Deza, tiven amigos artistas e manteño algúns dos que quedan. Cando Paco Lareo, comezou co proxecto de A Solaina de Piloño, os cadros dos pintores de Vigo e  arredores que doaban para aquel soño feito realidade , gardábanse  no  meu estudio de Teis.
Meu pai e eu mesmo, fomos moi  amigos  de Laxeiro. 
Fun convidado por un franciscano natural de Ventosa, Padre Casal, destinado en Vigo a  coñecer  este núcleo dezán  con Os Pendellos, a igrexa, a cultura musical,o entorno paisaxístico e as pegadas do mestre Mateo, sen dúbida, e púxenme a traballar, para mostrar o traballo pola ruta Xacobea, fundamentalmente a Catedral do Rural 
Galego,  como así  a definiu o profesor, Filgueira Valverde.

Entrevista a Julio Cacheda, propietario da empresa Agrícola Cacheda

“Somos pioneiros na fabricación e montaxe de instalacións á vista, que dan máis dinamismo”
“O día en que a globalización sexa unha realidade poderemos producir máis”

Julio Cacheda é un deses empresarios galegos feito a si mesmo. Logo de traballar por conta allea durante 11 anos, “un día independiceime e aí estamos”, asegura ao lembrar que a súa empresa, Agrícola Cacheda, leva xa aberta ao público en Silleda máis de 12 anos. Logo desta andaina, na que asegura que a súa empresa sempre foi a máis cun crecemento sostido, conta con tres traballadores fixos e unha facturación anual que ronda os 500.000 euros.
Agrícola Cacheda da un servizo de comercialización de produtos que busca sempre mellorar e acadar a maior eficiencia posible, así en servizos coma a inseminación artificial ofrécelles aos seus clientes un produto que conta cunha distinción coma referente mundial na materia. Julio Cacheda é un deses empresarios galegos que sabe o importante que é o sector primario para fixar poboación no rural, e está comprometido con que así siga sendo.

 

P.- ¿Cales son os servizos máis demandados dos que ofrece Agrícola Cacheda?
R.
- Dentro das necesidades do mercado, o tema do engorde do porcino, tamén en reformas cos novos materiais que permiten axilizar moito os procesos e buscamos ademais un mellor servizo con vistas ao futuro noutros aspectos que van aparecendo en necesidades emanadas das novas lexislacións. Eu fun pioneiro no emprego e a instalación “á vista”, nas conducións de augas, as baixantes de acero inoxidable. En Agrícola Cacheda somos pioneiros ademais na fabricación e montaxe das divisións nas naves de tratamento animal, combinando acero inoxidable con PVC.

 

P.- Este xeito de construír, ¿qué beneficios ten para os seus clientes?
R.
- Dálle un maior dinamismo ás instalacións, porque en caso de avarías están localizadas a simple vista e a reparación é cousa de media hora e así a instalación non ten que parar de producir. Nós intentamos ser moi prácticos dentro da calidade, sempre pode haber unha avaría, pero o resultado de aplicar estas técnicas son de melloras cuantiosas e menores custes para os nosos clientes.

 

P.-Se tivera que resumir o que Agrícola Cacheda ofrece aos seus clientes ¿qué destacaría?
R
.- Agrícola Cacheda naceu dando un servizo de produtos sobre todo vinculados á inseminación artificial, e aí seguimos. Levamos a distribución de Magapor, un referente mundial, sobre todo na inseminación porcina, un referente pola calidade dos nosos produtos, que tamén son apreciados en países coma Italia, China, México ou Brasil.

 

P.- ¿Cómo se presenta o futuro para o sector no que traballa Agrícola Cacheda?
R.
- Eu penso que coma en calquera sector o futuro depende do mercado. O día que a globalización sexa unha realidade, con competitividade nos custes de produción está aínda lonxe. Pero o día en que estes custes de produción sexan máis iguais se podería producir aquí máis do que se está producindo. 

Contacto

Director Xerente: Manuel Núñez Fiuza

Deseño e maquetación: Bearisa
Colaboradores: Iago Mouriño, Bartolo Landiño, Tomás Troitiño,
David Devesa, Luis Lince, Pedro Carrio, Manuel Estévez e González Bearisa.

Administración-Publicidade: Rúa Arenal 1 Entrechán - Lalín.
Tlf.: 986 780 615986 780 615 • Fax: 986 780 615 • Móvil: 625 120 810625 120 810
e-mail: manuelfiuza@gmail.com

 

www.lalinecomarca.es

O Periódico | Lalín e Comarca en redes sociales :