> Agolada |Outubro 2020

Agolada e Lalín apostan por facer da Ponte dos Cabalos “un referente turístico”

As obras avanzan a bo ritmo logo dun investimento de máis de 115.000 euros

> Redacción

Avanza a restauración da Ponte dos Cabalos, construida no ano 970 no río Arnego para unir os municipios de Lalín e Agolada.

A mediados deste mes de outubro visitaron os traballos na zona as autoridades locais. Estas obras inclúen a limpeza da zona, a recollida no cauce fluvial de pedras que formaban parte dos petrís clasificadas para a súa posterior colocación unha vez que se acondicione o taboleiro.

O director das obras, Luis Fernández, apuntou que esa limpeza permitirá unha mellor evacuación da auga e a conservación futura da ponte, na que os laterais se “rexuntan con morteiros de cal”. Tamén se reconstruirá o parteaugas entre os dous óculos da ponte.

O alcalde de Lalín, José Crespo, destacou na visita ás obras o investimento de 115.274 euros, cunha subvención do 70% de Agader, e o resto aportado a partes iguais polos concellos de Lalín e Agolada. A execución das obras corre a cargo de Groma e segundo a previsión estarán rematadas este ano.

 

Referente turístico

Os rexedores destacaron o potencial importante da zona, e por iso Crespo encomendoulle á súa concelleira de Cultura, Begoña Blanco, a súa dinamización logo de que rematen as obras. Os dous concellos consideran esto unha primeira fase para facer da Ponte dos Cabalos un “referente turístico na zona”.

As obras incluirán a dotación de escaleiras na marxe agolense, para achegar aos visitantes a unha zona que se indica apta para o baño.

O alcalde de Lalín agradeceu o traballo a Crespo así como o traballo de “todos os que fixeron posible este proxecto”, que ademáis suporá desbrozar o tramo do camiño real de Parada (Lalín) a San Pedro de Ferreiroa (Agolada), con sinalización e instalación dun panel interpretativo.

Na visita participou tamén o europarlamentario Nicolás González, ex membro da anterior corporación municipal de Lalín, que aproveitou para destacar a importancia da colaboración entre administracións para acadar a posta en marcha de proxectos desta magnitude.

“Queremos Parcelarias” pide unha reunión coa nova directora xeral de Desenvolvemento Rural

A asociación mantén a súa loita polos procesos de concentración pendentes en Agolada

> Redacción

 A Asociación Queremos Parcelarias en Agolada celebrou a finais deste mes de outubro unha reunión da súa xunta directiva na que os membros acordaron solicitar unha reunión coa nova directora xeral de Desenvolvemento Rural, Inés Santé Riveira, que substitúe na Consellería do Medio Rural a Miguel Ángel Pérez Dubois, que cesou no cargo o pasado 17 de setembro logo da formación do novo goberno da Xunta de Galicia.

Diante deste cambio na Consellería de José González Vázquez, Queremos Parcelarias considera que é importante para as súas demandas manter un encontro coa nova directora xeral para explicarle de primeira man o estado de paralización dos procesos de concentración pendentes no concello de Agolada, ademáis das xestións que a asociación leva feitas nos últimos dous anos para reactivar esta situación. Segundo lembran dende a Asociación, nas 8 parroquias afectadas existen explotacións gandeiras que demandan terreo para producir alimento para os seus animais, xa que actualmente as parcelas son pequeñas e por eso precisan unha reestructuración das mesmas.

 

Actividade reivindicativa

Ademáis, os membros da asociación entregarán a Inés Santé toda a documentación ao respecto destes procesos, os proxectos paralizados na zona a causa da falta de iniciativa a respecto do seu antecesor no cargo, e as demandas apoiadas por máis de 1.000 veciños e veciñas de Agolada que pertencen á asociación e levan meses apoiando as actividades organizadas por este colectivo para visibilizar as súas demandas.

Dende o seu nacemento, a Asociación Queremos Parcelarias mantivo xa encontros con distintos responsables da Consellería de Medio Rural da Xunta de Galicia, ademáis de acadar o respaldo ás súas demandas por parte do BNG e o PSdeG durante a campaña electoral das pasadas autonómicas. Os membros deste colectivo tamén se manifestaron en Santiago diante da Xunta de Galicia para facer ver as súas demandas, e ese mesmo día foron de novo recibidos polo conselleiro.

 

Contacto

Director Xerente: Manuel Núñez Fiuza

Deseño e maquetación: Bearisa
Colaboradores: Iago Mouriño, Bartolo Landiño, Tomás Troitiño,
David Devesa, Luis Lince, Pedro Carrio, Manuel Estévez e González Bearisa.

Administración-Publicidade: Rúa Arenal 1 Entrechán - Lalín.
Tlf.: 986 780 615986 780 615 • Fax: 986 780 615 • Móvil: 625 120 810625 120 810
e-mail: manuelfiuza@gmail.com

 

www.lalinecomarca.es

O Periódico | Lalín e Comarca en redes sociales :